Një person është plagosur me armë zjarri  mbrëmë rreth orës 22:00, në lagjen “Ulpiana” në Prishtinë, e ku më pas është arrestuar i dyshuari për veprën, shkruan arbresh.info.

Në vend ngjarje janë konfiskuar dy gëzhoja dhe një plumb.

“Rr.Egnatia, Prishtinë, 25.10.2021-21:59. Është arrestuar i dyshuari mashkull kosovar pasi që i njëjti ka shtënë me armë zjarri në drejtim të viktimës mashkull kosovar. Viktima ka pësuar  lëndime trupore dhe i njëjti është dërguar për tretman mjekësor në QKUK. Në vendin e ngjarjes kanë dalë njësitet përkatëse policore, aty kanë gjetur dhe konfiskuar dy gëzhoja dhe një plumb ndërsa nga i dyshuari kanë konfiskuar armën-pistoletë me një karikator me tre fishekë. Me vendim të prokurorit i dyshuari është dërguar në mbajtje”, thuhet në raportin e PK-së./arbresh.info/